बात नहीं मानी और लात खाई पिछवाडे पे

एक बार एक शेर अपने घर में पहुंचा और बोला - शेरनी जल्दी तै रोटी घाल दे, भोत भूख लाग री सै। शेरनी नै रोटी घाल दी। शेर रोटी खान लाग्या। उतने में एक गादड शेर के घर के बाहर खडा हो कै चिल्लाया - ओये शेर के पिल्ले, बाहर लिकड। शेर चुपचाप रोटी खाता रहया। गीदड फेर चिल्लाया - ओये डरपोक, के घरआली के पल्लू महै लुक रहया सै।और दो-तीन गाली भी दे दी।

शेरनी बोली - महाराज, आप जंगल के राजा हो और एक छोटा सा गीदड आपनै गाली देन लाग रहया सै, अर आप कुछ नहीं करते। शेर बोला - कोये बात ना सयानी, जाण दे। अगले दिन फेर जब शेर रोटी खाने के लिये बैठा तो वोहे गीदड बाहर आकै गाली देन लाग्या। शेरनी बोली - महाराज, आज तो इसनै मजा चखा दो। इसका तै रोज-रोज का काम होग्या। शेर बोला - सयानी, तू इसकी बातां पै ध्यान मत दे। यो ऊत बालक सै, थोडी वार बोल कै अपने आप चला ज्यागा। शेरनी - ना महाराज,  रोज-रोज नूंए होगा तो इस जंगल महै म्हारी के कद्र रह ज्यागी। अगर आप नहीं जाते तो मैं इसका शिकार करकै लाऊंगीं और इसकी भाजी बना कै बालकां नै ख्वाऊंगीं। शेर नै बहुत समझाया, लेकिन शेरनी नहीं मानी और गीदड के पीछे दौड लगा दी।

गीदड आगै-आगै और शेरनी पाछै-पाछै। भाजते-भाजते रास्ते मै एक इसा पेड खडा था जिसके दो तने लिकड रहे थे। गीदड भागते हुये उस पेड के बीच में से निकल गया। शेरनी नै तो बस गीदड दिखै था। उसनै भी छलांग लगा दी। इब शेरनी उस पेड के बीच में फंसगी। गीदड आगे तै घूम कै शेरनी के पीछे आया और शेरनी के पिछवाडे पै लात जमा दी। बेचारी शेरनी किसी तरह से छूटकर और गिरती पडती थकी हुई घर पहुंची। अन्दर घुसते ही

शेर बोला - खा आई पिछवाडे पे लात

शेरनी - एक गीदड नै मेरी के गत बनाई सै, यो बात तै जाण दो। पर आप यो बताओ के आपनै कैसे पता चला कि मेरे पिछवाडे पै पिटाई हुई है?

शेर - मेरे गेल्यां या सिचुएशन दो बार बन ली।  नूंए तन्नै समझाऊं था के उस गादड के पाछै मतना जावै।

चित्र गूगल से साभार

नोट - यह पोस्ट केवल आपको हंसाने के लिये है। किसी को आपत्ति है तो हटा दी जायेगी।